1ª FASE (preseleccións no centros de ensino) Até o 11 de xaneiro, luns, os centros de ensino inscritos na Olimpíada deberán facer unha preselección no seu centro dos traballos pertencentes á modalidade de Disertación e Dilemas Morais que presente o seu alumnado, escollendo un máximo de 1 de cada 10 participantes posibles. As persoas que resulten seleccionados deberán inscribirse, segundo a modalidade, nos formularios de inscrición de Dilemas Morais e Disertación que aparecen na sección MODALIDADES.
- DISERTACIÓN, contamos con propostas que concretan o achegamento ao tema xeral deste ano: Realidade e apariencia no mundo actual (apartado bases). Aquí deixamos a rúbrica para orientarte na preparación da disertación, xa que é máis específica. ENLACE RÚBRICA
- FOTOGRAFÍA: nestas modalidades tamén hai preselección, enviaranse 1 de cada 10 que serán escollidas por vós previamente no centro. O tema é o mesmo para todas as modalidades e enviaranse o 18 de xaneiro venres - VIDEO; non hai preselección, e tamén se enviarán o 18 de xaneiro venres
Para formalizar a entrega, débese cumprimentar o formulario de cada modalidade sitos ao comezo da sección MODALIDADES, para así ter un reconto do número de alumnado que se presenta. As obras de foto e video deben enviarse seguindo as indicacións e os requisitos que se esixes (apartado BASES) calquera obra poderá ser excluída se non cumple os requisitos.
2ª FASE (Modalidades Disertación e Dilemas: proba presencial o18 de xaneiro na Fac. Filosofía da USC) O 18 de xaneiro terá lugar na facultade de Filosofía da USC, a proba presencial que realizarán as persoas que o Dpto de Filosofía dos Centros de Ensino seleccionou (1 de cada 10 ou fracción) nas modalidades de Disertación e Dilemas Morais. A proba terá unha duración de 90 minutos, e o tema específico no caso da disertacion así como o posible Dilema Moral non se coñecerá até o momento da realización da proba e farase por sorteo. Esta fase é escrita.
3ª FASE (comunicación dos e das seleccionadas) A semana do 12 ao 15 de febreiro, o profesorado dos centros saberá que alumnado está seleccionado para acudir ao acto final da Olimpíada Galega a realizar unha exposición e defensa do traballo presencial, correspondente ás catro modalidades. Seleccionaranse 4 alumnos e alumnas por modalidade.
4ª FASE (última proba e acto final) O día do acto final será o 14 de marzo xoves na Facultade de FIlosofía de Santiago de Compostela. Unha vez realizada a exposición e defensa das obras, o alumnado seleccionado coñecerá os veredictos dos xurados. De acordo con eles resultarán seleccionadas, catro persoas en cada modalidade, ás que se lles outorgará un primeiro premio, que consistirá nunha viaxe Málaga para participar na Olimpíada Estatal os días 26 e 27 de abril de 2019, cos gastos pagados, e un segundo premio, que terá o recoñecemento da Olimpíada Galega. É posible que acodan tamén as e os selecciond@s nos segundos postos, dependendo do número de centros que se presenten na comunidade.
EN QUE CONSISTE A EXPOSICIÓN E DEFENSA? Esta proba consistirá na realización dunha defensa do traballo seleccionado, tanto para o dilema moral como para a disertación, consistirá nunha exposición do traballo sen dispoñer máis ca dun esquema de media páxina, podendo empregar presentacións dixitais ou calquera outro recurso multimedia. Ao remate o tribunal realizará as preguntas que considere oportunas. A proba terá unha duración aproximada de 20 minutos. As persoas seleccionadas nas modalidade de Curta de Video e Fotografía deberán realizar unha defensa de 5 minutos, explicando como naceu a idea, cal foi o seu proceso de realización, cal foi o nivel de participación do alumnado e a axuda recibida polo profesorado á hora de levala a cabo. A defensa en ningún momento se deberá converter nunha disertación temática. Preténdese que o alumnado aclare en 5 minutos a realización completa da obra.
O xurado estará formado polo profesorado dos centros de ensino que voluntariamente se ofrezan a colaborar nesta función, e cualificará os traballos presentados por medio dunha rúbrica.
Todos e todas as participantes recibirán un diploma de participación. O día 14 de marzo xoves terá lugar o acto final da Olimpíada, cun programa que encherá todo o día de actividades relacionadas co tema da Olimpíada e que se derá a coñecer un mes antes aproximadamente. Por outra parte, tanto a coordinación como a Facultade de Filosofía dará a benvida ao alumnado e profesorado participante, do que se informará coa debida anticipación. Recoméndase que todo o alumnado participante, aínda que non sexa seleccionado para a final, asista á defensa dos seus compañeiros e compañeiras e ao mesmo tempo poida ver os traballo da composición fotográfica e curta de vídeo que se expoñerán na Facultade de filosofía.
