1º  FASE (preseleccións no centros de ensino)
Até o  15 de xaneiro (data orientativa) os centros de ensino inscritos na Olimpíada tedes tempo para preselecionar un máximo de 5 obras por modalidade e centro de ensino. (Importante!!!! inscribide aos seleccionados antes  do 25 de xaneiro para que así podamos organizar aos rapaces o día das probas, a inscripción faise en "MODALIDADES": olimpiadafilosoficagalicia.weebly.com/modalidades.html )

2ª FASE ( realización da proba presencial)
O  30 de xaneiro péchanse os formularios de entrega das  modalidades de fotografía e vídeo que tedes no apartado MODALIDADES desta web e realizaranse as probas presenciais de disertación e dilema na facultade de filosofía de Santiago de Compostela ás 11 da mañá recepción dos participantes no salón de actos e ás 11:30 comezo das probas.
Lembrade!!!:
 -Sen materiais nen dispositivos electrónicos.
 -Disporán de 90 minutos e  4 carillas coma máximo para o seu desenrolo (poden escribir nas catro carillas).
​-O dilema e a proposta para a disertación faranse públicos o día da proba presencial.
​
3ª FASE (VOTACIÓNS DAS OBRAS DE VIDEO E FOTO)
Dende o  30 de xaneiro ata o 9 de febreiro ás 12:00 os centros de ensino inscritos na IX OFG, emitirán unha votación dos vídeos, fotografías participantes na Olimpíada filosófica, podendo emitir unicamente un voto por centro de ensino (sen votarvos a vós mesm@s) tendo en conta as seguintes rúbricas: RÚBRICA VIDEO, RÚBRICA FOTO.
Nestes días o comité organizador da Olimpíada estará levando a cabo as labores de corrección dos escritos; Disertación e Dilemas morais.

4ª FASE (PUBLICACIÓN DAS PERSOAS SELECCIONADAS!)
O 10 de febreiro pola tarde publicaranse na web da Olimpíada, no apartado novas as 4 persoas seleccionadas por cada unha das  modalidades, resultado das votacións dos centros de ensino inscritos no caso de Foto e Video, e resultado das correccións do comité de corrección da olimpíada no caso de Dilemas Morais e Disertación. ( RÚBRICA DISERTACIÓN, RÚBRICA DILEMA MORAL )

5ª FASE (DEFENSAS PRESENCIAIS e ACTO FINAL  27 de febreiro 2025)
As persoas seleccionadas na modalidade de Foto e Video deberán facer unha defensa de 5 minutos diante dun xurado explicando como naceu a idea, cal foi o seu proceso de realización, cal foi o nivel de participación do alumnado e a axuda recibida polo profesorado á hora de levala a cabo, e calquera cuestión que teña relación coa natureza filosófica inspiradora da obra. A defensa en ningún momento se deberá converter nunha disertación temática. Preténdese que o alumnado aclare en 5 minutos a realización completa da obra. 
Ao mesmo tempo e de xeito simultanéo terán lugar os tribunais de defensa de Disertación e Dilemas morais, tamén de xeito presencial na facultade como viñamos facendo anos anteriores. Para a defensa destas dúas modalidades o alumnado contará con 10 minutos no que terá que expoñer e defenser de xeito claro e argumentado a tese e o desenvolvemento principal e máis relevante que plantexa na súa disertación. Poderá haber preguntas do tribunal nos seguintes 5 minutos á defensa.
A defensa  será en horario de mañá e a entrega de premios en horario de tarde. Próximamente publicamos o programa. Estade atentos!!!!!

As defensas e o acto final serán retrasmitidos en streamig, o día anterior no apartado novas publicarase o enlace da conexión para que o alumnado participante poida ver as defensas das diferentes modalidades.